Vastelaovend & Covid-19

Net wie de zomer en de wintjer is de vastelaovend ouch ein belangriek seizoen det neet zomaar

veurbie geit. Zo gaer wie sommige de kersboum optuge zitte veer es Roerdaler vereniginge ós ózze sjteek op. ’T Geveul óm same te viere, same te genete en same te belaeve is de krach die ós

vastelaovesgekke oet de Roersjtreek drief.

 

Zo wie det geer det van ós gewind zeet doon veer det mit eine gekke sjlaag, väöl sjaele zeiver maar baovenal mit groot respek en verantjwaordelikheid nao mekaar toe.

COVID-19 of neet, dees waardes blieve ten alle tieje geljig. Vastelaovend zal dus altied blieve laeve!

Ein sjoon traditie die nooit verlaore moog gaon. Zeker neet es ’t aan ós lik. Dao make veer ós same

sjterk veur. Det wilt neet zègke det veer ós kinne vrieware vanne huidige wet-en regelgaeving. Veer

höbbe derhalve same besjlaote det idder vereniging nao de meugelikhede kiek binne ‘t eige dörp óm de vastelaovend in te völle binne de geljende wettelijke kaders.

Veer blieve natuurlijk in euverlik mit mekaar, de gemeinte en de Veiligheidsregio en zólle uch blieve

informere euver de óntwikkelinge.

Mit vruntjelikke vastelaovesgroet,

 

K.V. De Markoef, Melick

C.V. D’n Doal, Hèrkebósj

C.V. De Beerbök, Vlorp

C.V. De Biemösje, Postert

C.V. De Berggeite, Berg

K.V. D’n Uul van de Grauwert, Mofert