Noe Paose langzaam aan kump kinne veer truuk kieke op ein sjoon carnavalsseizoen. Ein seizoen det veur ós in ’t teike haet gesjtange van eindelik weer van 11-11 toet Aswoonsdig vastelaovend moge viere. Eindelik moogde Melick weer zónger de beperkende maotregele vanne euverheid aktiviteite organisere. En det kwoom precies op ’t juuste moment want veer haje jubileum: 6×11.

Es aafsjloeting van ós jubileumseizoen zeen de Aad Prinse op zaoterdig, 18 maart (traditioneel mit half Vaste) gaon fietse. Veurdet veer begóste aan weer ein gesjlaagde toch door de Roersjtreek waerde de oetsjlaag van ós jubileumlaoterie bekint gemaak. De oetsjlaag sjteit hie ónger.

Miense die pries höbbe kinne zich melje door ein mailtje nao roystemkens@home.nl. Veer numme dan berich op wie det geer de pries in bezit kint kriege. NB: Zorg d’r waal veur det geer uch laot good bewaard want det mót geer kinne laote kieke.

Teves wille veer hie ouch nog ins de sjponsore bedanke. Alle prieswinnaars: proficiat en veur de res: bedank det geer mit höb gedaon!